जेठाजुले विभत्स हत्या गरेको अञ्जनाकी बहिनी रूँदै भन्छिन् – दिदीलाई टुक्रा टुक्रा पारेर मार्दा कति दुख्यो होला, घाँटी रेटेको छ हात चुँडिएको छ (भिडियो सहित)

गत बिहीबार जेठाजु उज्वल महतले दिउँसो २५ वर्षीय बुहारी अञ्जना महतमाथि खुकुरी प्रहार गरी हत्या गर्यो । उनले आफ्नै बुहारीलाई निर्ममतापूर्वक विभत्स हत्या गरेपछि हातमा रगत लतपतिएको नाङ्गो खुकुरी बोकेर आमालाई मैले बुहारीलाई मारें, प्रहरी बोलाई दिनुस् भन्छ। करोडौं नेपालीहरुकोको मन जितेको ‘सुन साइली’ बोलको गीतमा अडियो इन्जिनियरिङ गरेका उज्वल महत र भाई बुहारीसँगको सम्बन्ध पनि सुमधुर नै देखिन्छ। जुन कुरा उनका आमाबाबुद्वारा अन्य भिडियो अन्तरबार्ताहरुमा भनेका छन् । तर माईती पक्ष यो मान्न तयार छैनन् । अञ्जनाको हत्यापछि विक्षिप्त उनको माईती, खास गरी बहिनीले “नौलो आवाज” युटुब च्यानलमा पत्रकारसँग रुँदै दिदीको हत्याको बारेमा यस्तो भनेकी छिन् । हेर्नुहोस् बाँकी भिडियोमाः

यो पनि पढ्नुहोस्ः करोडौं नेपालीहरुकोको मन जितेको ‘सुन साइली’ बोलको गीतमा अडियो इन्जिनियरिङ गरेका उज्वल महत माथि बिहीबार गम्भीर आरोप लागेको छ। उनलाई भाइ–बुहारीको हत्या गरेको आरोपमा पक्राउ गरिएको छ । उनले बिहीबार दिउँसो २५ वर्षीय बुहारी अञ्जना महतमाथि खुकुरी प्रहार गरी हत्या गरेको प्रहरीले जनाएको छ । उज्वलले गत मे महिनामाा फेसबुक स्टाटसमा कानको समस्याका कारण अडियो इन्जिनियरिङ नगर्ने उल्लेख गरेका छन्।उनले पछिल्ला दिनमा आफ्नो फेसबुकमा शंकास्पद क्रियाकलाप देखिएको उल्लेख गरेका छन्।

‘एक्सीस ब्यान्ड’ मा संलग्न उनले ड्रमसेट बजाउने गरेको फेसबुक प्रोफाइलमा देखिन्छ।महानगरीय प्रहरी वृत्त चापागाउँका डिएसपी राजकुमार खिउजुका अनुसार उनको परिवारमा कसैसँग नराम्रो थिएन। खिउजुका अनुसार विगत केही महिनादेखि अलि अस्थिर भएको देखिन्छ।परिवारसँग खासै राम्रो बोलचाल गर्दैनथे। यद्यपि दाजुभाइको सम्बन्ध सुमधुर थियो। छिमेकी उनलाई राम्रो छवि बनाइसकेका म्युजिसियनका रुपमा हेर्छन्। उनका चिनजानका साथीभाइ सभ्य र भद्र भन्छन्।एउटै घरमा बुबा-आमा, उज्वल उनकी श्रीमती र एक छोरासँगै भाइ बुहारी बस्थे।

स्थानीयका अनुसार अहिलेसम्म सबै मिलेर बसेको बताउँछन्।बिहीबार भाइ अफिस गइसकेपछि उनले बुहारीमाथि नै खुकुरी प्रहार गरे। दिउँसो ब १:३० बजे २५ वर्षीय बुहारी अन्जना लामाको विभत्स हत्या गरे। ‘आमा बुहारी काटेर आएँ, प्रहरी बोलाउनुहोस्’, आमाको भनाइ उद्धृत गर्दै खिउजुले भने।बुहारीलाई काटिसकेपछि उनले खुकुरी बरन्डामा राखेका थिए। बुहारीमाथि खुकुरी प्रहार भएको कोठा पूरै रगतले छोपिएको छ। खिउजुका अनुसार उनको घाँटी छिन्नै लागेको थियो। टाउको र हातमा सयौँ पटक खुकुरी हानेका छन् ।

प्रहरीका अनुसार अभियुक्त महतको एउटा औंला काटिएको छ। बज्रबाराही अस्पतालमा उपचार हुन नसकेपछि उनलाई पाटन अस्पतालमा लगिएको थियो। पाटन अस्पतालले बी एण्ड बी पठाएको थियो।उनको औंलाको शल्यक्रिया गर्न समय लाग्ने भएपछि अहिले भने महानगरीय प्रहरी वृत्त चापागाउँमा राखिएको छ। बुहारी अञ्जना विदेश जाने तयारीमा थिइन्। उनमा मानसिक समस्या रहेको प्रहरीको प्रारम्भिक छानबिनमा खुलेको छ ।

Similiar Post